Туташ

Айгөл Әхмәтгалиева — әдәбиятта һәм журналистикада киң билегеле шәхес. Ул Актаныш районы Иске Сәфәр авылында укытучылар гаиләсендә туган. Казан дәүләт университетының татар теле, әдәбияты, тарихы һәм көнчыгыш телләре факультетын тәмамлаган.
Беренче язмалары мәктәп елларында ук вакытлы матбугатта күренә башлый. Хикәяләре, публицистик язмалары һәм юморескалары «Казан утлары», «Идел», «Сөембикә», «Мәйдан», «Тулпар», «Чаян» журналларында, «Мәдәни җомга» газетасында басыла. «Болытта җиләк үсә», «Синең өчен яшим», «Мин гашыйк булдым» һәм башка китаплар авторы.
Пьесалары Әтнә («Күз нурларым»), Ырынбур («Ул бит кичә иде»), Чаллы татар театрлары, Уфа һәм Сибай башкорт театрлары сәхнәсендә куела.
2014 елда татар театрының беренче хатын-кыз актрисасы Сәхибҗамал Гыйззәтуллина-Волжская турында роман язу өчен, Татарстан Республикасы Мәдәният министрлыгы һәм Язучылар берлеге гранты бирелә («Туташ» романы).