«Бәхет ачкычы»

Кеше бу җиһанга бәхетле булыр өчен туа, ә бәхетле булу өчен кешенең гаиләсе булырга тиеш. Шулай бит, килешәсездер? Юкка гына, «Гаилә - бәхет ачкычы», - дип әйтмәгән бит халкыбыз. Гаилә - кешелеклелек, әхлак, яшәеш нигезе. Динебез дә гаилә мәсьәләләрен һәрчак күз уңында тоткан.  Ни куаныч, безнең шәһәребездә дә да пар канатлы, сикәлтәле гомер юлларыннан матур итеп бергә атлаучы, бер-берсен яратып, күгәрченнәр кебек гөрләшеп яшәүче гаиләләр күп . Шәһәребезнең горурлыгы,республикада дан тоткан,сокланып туя алмаслык җырга — моңга гашыйк “Сандугачлар оясы”, “Ләззәт” халык эстрада ансамблен оештыручы, «Россиянеӊ алтын гаиләсе», «Татарстанның үрнәк гаиләсе» исеменә лаек булган, «Татарстанның 100 гаиләсе» китабына кертлгән  музыкаль гаилә – Гәйнемөхәммәтовлар гаиләсе. Ел саен Федераль Сабан туйларында чыгыш ясап, милләтебезнеӊ бизәге һәм горурлыгы булып торалар. Тормышлары иҗатта үтә,аларның гаилә коруларына – 55 ел. Бүгенге бәйрәм кичәбездә яшьләргә үрнәк итеп күрсәтерлек гаилә- бездә кунакта булачак.   13 май көне булып узачак очрашуга сезне көтеп калабыз!