Лекцыя-экскурсія «Беларуская лялька. Ад традыцыі да сучаснасці»

25 студзеня 2025 года а 14.00 гадзіне ў прысядзібным флігелі музея «Лошыцкая сядзіба», філіял Музея гісторыі горада Мінска, кандыдат мастацтвазнаўства Таццяна Трушына правядзе лекцыю-экскурсія па выстаўцы «Беларуская лялька. Ад традыцыі да сучаснасці».

На выстаўцы экспануецца больш за сто лялек сярэдзіны XX – пачатку XXI стагоддзяў. Калекцыя сабрана навукоўцам Таццянай Трушынай падчас фальклорна-этнаграфічных экспедыцый па Беларусі або рэканструіраваны ёю на падставе ўспамінаў мясцовых жыхароў. Пад час лекцыі-экскурсіі Таццяна Трушына распавядзе пра разнастайнасць беларускай народнай лялькі і яе прызначэнне. Пазнаёміць з асаблівасцямі і традыцыямі стварэння абрадавых, абярэгавых і гульнявых лялек у розных рэгіёнах Беларусі, матэрыяламі і напаўняльнікамі, сярод якіх тэкстыль, лыжкі, пясок, паленне і іншыя прыродныя матэрыялы, што выкарыстоўваліся падчас фарміравання галавы, тулава і вопраткі лялькі. Размова пойдзе пра беларускія лялькі сучаснасці: мастацкія, інтэр’ерныя, этнаграфічныя і тэматычныя. Сярод групы этнаграфічных на выстаўцы прадстаўлены керамічныя лялькі ў шлюбным строі пачатку ХХ стагоддзя. Асобная група сучасных лялек – фальклорныя, якія створаны майстрамі згодна з іх міфалагічным апісаннем. Беларуская міфалогія прадстаўлена вобразамі Купальскага дзеда, Лазніка, Дамавухі, Лесавіка, багамі Зімы, Вясны, Лета і Восені.

Таццяна Трушына – кандыдат мастацтвазнаўства, кіраўнік этна-культурнага аб’яднання «Папараць-кветка», кіраўнік секцыі народнай лялькі ў ГА «Беларускі саюз майстроў народнай творчасці».

Падрабязная інфармацыя і запіс на лекцыю-экскурсію па тэлефоне (017) 396 18 86, праз электронную пошту [email protected] ці сацыяльныя сеткі музея ВКонтакте, Facebook и Instagram (/loshytsamuseum).

Музей «Лошыцкая сядзіба»

праезд Чыжэўскіх, д. 8-2, 10

тэрыторыя Лошыцкага сядзібна-паркавага комплекса

(017) 396 18 86

minskmuseum.by

25 студзеня (субота), 14.00

Уваходны квіток: 6.00 руб. – дарослыя 3.00 руб. – навучэнцы (з правам наведвання пастаяннай экспазіцыі флігеля)